Repunante
Ten los coyones de xubir al pisu más altu'l to edificiu y saltar con una sonrisa pensando nos meyores momentos de la to vida sabiendo que naide ye quien nel primer saltu. Alcuérdate de cuando xugabes en pueblu, per Salas, en Buscabreru, pente esos montes, moyándote col orbayu d'antaño enantes de tener conocencia de la muerte. O la primer vez que-y llambisti la llingua a una muyer. La primer vez que-y llambisti'l coñu cola intención de llubricar la zona pa lo que vieno darréu, anque nun fuera una maravía. Decidi que nun vas caltener la violencia enfocada que rescampla nel orgullu de que te falen creyéndose la parte más importante de los fíos qu'integren la nación d'Onán. Aullar dende que veas la lluna, hasta que salga'l sol como un llobu xabaz ensin esmolecer pol que dirán les oveyines del to edificiu. Mañana igual-yos peta a ellos.
Dedíca-y el 100% de la to atención a Wagner nel intre qu'entame un nuevu día. Nun importa lo lloñe que teas y lo que tengas que caminar. Llevar la puta máscara que quixeres. Retar a duelu a muerte con calláos oxidáos a cualesquier que fale d'imposición o de que ye tan asturianu que nun reconoz lo más importante de la tierra. Nun sentir programes de xente pagao polos partíos. Nun pensar nel noxu que dan los que solo quieren figurar cuando la batalla ta ganada.
Díxome Repunante que col tiempu, vería resultáos.
Guiar la boca escontra'l mio puñu, pié nel so defeutu, de la prósima persona que solo quiera h.oder. Morrer per dientro. Un poco cada día, hasta que yá nun quede nada. Lo importante ye l'equilibriu. Darréu, ver les coraes de les persones. Ameyorar les espresiones faciales. Caltener el conceutu d'amor. Caltener el conceutu de destrucción. Prometer qu'enxamás vas dexar escapar a quien, por ironies del destín, pudisti tener y anguaño nun esiste. Vivir el momentu. Y depués. Ser sutíl. Ser montesín.
Caltener la postura propia de nun siguir a naide que nun seya yo. Desendolcar el mio estilu propiu magar que nun seya civilizáu, políticamente correutu, comprensible o comprensivu, amoralmente duru. Pue dase la situación de que nun te guste nin te preste que seya tan pueril y obscenu. Pue que seyas xentecaya. Una puta de les más barates. O igual quiero tenete cerca siempre. Igual me gustes. Soi incoherente.
Entrada dedicada a tola xente que fexo too lo que pudo y más de lo qu'albidraba pola llingua en maxisteriu. Nun se quienes son.
Esbilla
del.icio.us
Nun tengo héroes nin dioses desque s'esmució'l mio suañu.
Y vivo fartucu mitos, de llibertá, d'amor, d'amistá y de min mesmu.
Poro, namás que tengo esta pluma, esta fueya,la soledá d'esti cuartu y un balagar de duldes marutaes d'ilusiones. Y ye abondo.
(Tapáu pela foyarasca l'escaezu. Ocultu pela borrina del tiempu, esti testu son filtrayes qu'inda estren el suelu de la mio alcordanza, de daqué qu'escribiera cuantisimayá, cuando'l mio caborniu yera endagora un árbol xoven pa ser cuévanu y abellugu).
Saludos.
El xanu\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ | 06-04-2009 - 20:15:50 GMT 1 #